Spurs tan Kane-a goal a tawk lo

31st July, 2015

Ningani zan khan Tottenham Hotspurs leh MLS All-Stars ten friendly match an khel a; manager Mauricio Pochettino enkawl Spurs hian Harry Kane goal khung hmangin hma hruai mah se 2-1 in an chak lo.

MSL All star zingah hian Brazilian Kaka bakah Spain ram tana goal 59 khung tawh David Villa te an inlan a, Orlando City leh New York City FC star te hian goal an khung ve ve. Brazil legend Kaka hi Most Valuable Player a thlan a ni nghe nghe

Denever, Colorado hmuna inkhelah hian tun season aṭanga LA Galaxy player Steven Gerrard leh Robbie Keane bakah New York City FC midfielder Frank Lampard te chu hliam vangin an inlan thei lo.

Season thar inbuatsaih nan Spurs hian Real Madrid an inkhelh pui leh ang a, August 8 khian Manchester United nen Old Trafford-ah Premier League-a an match hmasa ber chu an khel ang.