Qatar Open champion Rublev

Andrey Rublev chuan inkhel hmuhnawm leh hautak tak maiah Jack Draper chu 7-5, 5-7, 6-1 in a hneh a, a phu ang ngeiin Qatar Open nomawi chu a vawi hnih nan a chawi, kum 2020 khan a lo champion tawh bawk.

Russian tlangval Rublev chuan, "Tournament hi ka khel tam ve tawh hle a, chung zingah chuan Qatar Open chiah hi vawi hnih ka champion theihna a la ni, chuvangin ka tan chuan a hlu hle.

"Set hnihna kan khelh zawh kha chuan rilru a kalding duh hle a, tu zawk zawk pawh kha chak thei kan ni. Set hnuhnung berah service ka hun ṭha, ka chak theih chhan pawh a ni," tiin a sawi.

Kum 27 mi Rublev hian tennis a khelh hun chhung nomawi 17 a chawi tling ta chiah, nikum May thla khan Madrid Open nomawi a chawi a, a hnuah tun ṭum hi a champion lehna hmasa a ni hial.