Caulker-a'n Saints a pan

Season thara Europa League khelh tum Sou­thamp­ton chuan QPR aṭang­in defender Steven Caulker chu season khat chhung atan loan-in an hawh dawn.

Ronald Koeman a kaihhruai Saints hian defender Toby Al­der­weireld chu an elpui team Tottenham hnenah loan-a an chhauh tir tawh avang leh centre-back Florin Gardos chu thla sarih chhung zet hliam vanga a inkhelh theih dawn loh avangin defender an mamawh hle. Kum 23-a upa Caulker hi an mamawh chhanna ni turin an la lut ta a ni.

Englan tan pawha vawi khat lo inlan ve tawh Caulker chuan, "Tun hnai season hnih chhung kan en chuan Saints hi an che ropui tak zet. Anni ka zawm thei hi ka lawm hle, season ṭha tak kan hman ngei ka beisei," a ti.

Caulker hi a vanduai thei hle mai a, kum 2013–2014 season khan Cardiff City ten khelin Premier League aṭangin an tla a; season hmasa khan QPR tan khelin EPL aṭangin an tla leh bawk.

Thawhlehni khian Southampton hian Eu­ropa third qualifying-ah Dutch club Vitesse an hmachhawn ang.