Kum 17 mi Andreeva a champion

Mirra Andreeva hi kum 17 mi chauh a la ni a, tunah chuan WTA 1000 title la thei naupang ber a ni ta - Russian tleirawl hian Dubai Tennis Championship final-ah Clara Tauson a hneh.

Inrinni zan inkhel hmuhnawm takah Andreeva hi 7-6(1), 6-1 in a chak. Final kalkawngah hian Grand Slam champion tawh pathum - Marketa Vondrousova, Iga Swiatek leh Elena Rybakina te a hneh vek bawk.

Tun kara world number 10 ni phak tur Andreeva chuan, "Kumin tawp lamah hian world number 10 nih phak ka tum ang tiin beiseina ka nei a, mahse February thla tawpah chu dinhmun chu ka luah hman der.

"Tun tournament ka khelh dan chuan min ti lawm takzet a ni. A bik takin final ka khelh danah ka lawm zual, ho lam taka tihsual ang kha ka nei ngai meuh lo tia sawi theih a ni," tiin a sawi.

Dubai Tennis Championship hi kum 2006 aṭanga khelh ṭan kha niin, inelna an neih ṭam kum hian Rafael Nadal chu kum 20 tlin hmain a champion; Nadal hnuah chuan mipa leh hmeichhe zingah Andreeva hi kum 20 hnuai lam champion leh thei hmasa ber a ni hial.