Norwich-ah Defender thar

Liverpool defender Andre Wisdom chuan season khat chhung khel turin Premier League club Norwich City chu loan-in a zawm.

Kum 22-a upa defender hian May thla khan hun rei tak cham turin Liverpool-ah contract a ziak a, mahse kum 2012 a Reds a zawm hnuah Derby Country leh West Brom-ah te loan thoin a lo kal tawh. Season hmasa khan Wisdom hian West Brom tan Premier League match 24 a khel nge nghe.

Norwich hian England tana age level hrang hranga lo khel tawh Wisdom an lakluh hma hian winger Robbie Brady leh midfielder Graham Dorrans bakah Youssouf Mulumbu an lo lalut tawh bawk.

May thla khan Norwich hian Championship play-off final-ah hnehna changin Premier League khel turin an inhlangkai.