Messi leh Neymar ten season bul ṭan dawn
Barcelona hmatawng pahnih Lionel Messi leh Neymar te chuan training la zawm chiah lo mah se August 23-a La Liga ṭan anih hunah chuan an inpeih hman dawn.
Argentina captain Messi hian Copa America-ah an ram chu final thlenpuiin Chile lakah an vanduai a, season thar atana Barca training ala zawm lo. Brazil captain Neymar pawh hian Copa khelin quarterfinal-ah Paraguay hneh loin an tla thung.
Pathianni khain Barca chuan Fiorentina an hmachhawn dawn a, he hunah hian Brazil duo Neymar leh Dani Alves te chu inlan thei tura beisei an ni.
Messi hnampui pa Javier Mascherano leh Claudio Bravo te chuan Thawhṭanni aṭang khan training an zawm leh tawh a, karleh Nilainia Roma nen friendly match an khelh hunah chuan anni pahnih pawh hi inkhel thei tawh tura rin an ni.