British Athletics squad-ah Jessica Ennis-Hill

Olympic heptathlon cham­pion Jessica Ennis-Hill chu August thla a neih tur Beijing World Athletics Championship-ah Britain aiawh tura thlan a ni ve leh ta.

Kum 29-a upa Hill hian nau a neih avangin hun rei tak infiamnaah a hmel kan hmu lo. May thla khan lo kir lehin kar hmasa khan London-a Anniversary Games-ah a inlan ve leh tawh.

Britain tan hian Mo Farah chu 5,000m leh 10,000m in­tlansiakah a inlan dawn a, Greg Rutherford chu long jump-ah a inlan bawk ang. Hetihlai hian Adam Ge­mili erawh hliam vangin 4x100m relay team aṭangin a inhnukdawk thung.