Belgium tan Courtois kir dawn

Real Madrid keeper Thibaut Courtois chuan Belgium tana khelh leh a duh tawh thu a sawi. Courtois chuan, "Belgium tana inkhelh ka châk leh tawh hle. Kum khat leh a chanve ram tan ka inkhel tawh lo a, inkhel turin ka inpeih tawh e," a ti.

Belgium hi March 20, Ningani zan hian Ukraine nen Nations League-ah an inkhel dawn a, Real keeper hi manager thar Rudi Garcia-a'n a koh tel ngei a rinawm. Chutihrualin hun rei tak Courtois inlan loh chhan hi khatihlaia manager Domenico Tedesco nena an inhmuh thiam loh vang a ni a, tunah erawh Tedesco hi chhuak tawhin, Garcia hian January 25 khan a thlak.