Crolla leh Darleys Perez an inhnek nawn dawn

British lightweight boxer Anthony Crolla leh Colombian boxer rothap Darleys Perez te chu an inhnek nawn leh dawn niin promoter Eddie Hearn chuan a sawi.

July 19 khan WBA lightweight champion Perez leh Crolla te hi an inhnek tawh a, entu mipui tam zawkin Crolla hi chak zawka an ngaih laiin inhnehtawkah puan an ni.

Sawiselna a nasat em avangin WBA vice president Gilberto Jesus Mendoza chuan Crolla leh Perez-a te inhnek hi official review nei turin thupek a chhuah a, an inhnek nawn tur thu hi puanchhuah thuai a nih beisei a ni.

British boxer Crolla chuan Perez nen an inhnek nawn theih dawn avanga a lawm thu sawiin a hriat tirh chuan lawm avanga a mittui a hnaih hial thu a sawi.

Crolla promoter Eddie Hearn chuan inbiakna a kalpui mek thu leh boxer pahnih inhnek leh hun tur chu puanchhuah thuai a nih tur thu a sawi.