Mi barakaih tum Zlatan Ibrahimovic

Paris Saint-Germain F.C striker Zlatan Ibrahimovic chuan club dang a zawm a nih chuan mite rin loh lam daih a nih tur thu leh season tharah Ligue 1 champion hi chhuahsan a tum loh thu a sawi.

Sweden captain hian season khat daih chiah PSG-ah hian contract a nei tawh a, tun nipui transfer chhung pawh hian Manchester United leh a lo khelh tawh ṭhinna AC Milan nen sawizawm a nih bakah MLS lam a hawi dawn nia sawi pawh a awm hman.

Kum 33-a upa striker chuan, "Khawi club nge ka zawm leh ang tih chu mite rin loh daih a ni ang. PSG-ah hian kum khat daih contract ka la nei a, he hmun hi a nuam ka tih avangin chhuah ka la tum lo. Kan squad kan ṭha tawk a, kan hma hun a eng hlein ka hria," tiin a sawi.

Nilaini khan Chicago-ah PSG hian Manchester United hnehin International Champions Cup an chawi.