Roger Federer a inhnukdawk

World number 2 Roger Federer chuan August 10-16 inkara khelh tur Rogers Cup, hard-court tournament aṭangin a inhnuhdawh thu chu Nilaini khan a sawi.

Montreal hmuna a inkhelh theih loh tur thu sawiin Federer chuan, "Ka taksain chawlh a la mamawh avangin ka inhnukdawk ta mai. He hmuna inkhelh hi a nuam ka ti ṭhin hle a, kum dangah lo kir leh ka tum zawk ang," tiin a sawi.

August 8 a kum 34 tling tawh mai tur Federer hi kum 2004 leh 2006 khan he hmunah hian a lo champion tawh nghe nghe.

July 12 a Wimbledon final-a Novak Djokovic a hneh loh hnuah Federer hi ala inkhel leh lo; August 31 aṭanga ṭan tur US Open atan a la inbautsaih ṭan lo a ni.