India squad-ah Jeje leh Chhuantea

September thlaa Iran nena World Cup quali­fication match khel tur India chuan probable squad-a tichhuak leh ta a, player 28 koh zingah Mizo tlangval Jeje Lalpekhlua leh Lalchhuanmawia te an tel. Player 28 aṭang hian player panga chu paihchhuah leh an ni dawn a ni.

East Bengal winger Lalrindika Ralte chu in­hliam vangin koh zingah hian a tel ve lo.

FIFA ranking-a Asia team zinga sang ber Iran hi 38-na an ni mek a, September 8 khian Sree Kanteerava Stadium, Bengaluru-ah India nen hian an inkhel dawn a ni.

India team te hian August 23 aṭangin Pune khawpuiah training an ṭan anga, Iran nen an inkhelh hma hian August 31-ah Balewadi Stadium, Pune-ah Nepal nen friendly match an khel leh phawt ang.

2018 World Cup Qua­­lifier match Oman leh Guam nen June thlaa India-in an khelh ṭuma player 23 zingah tel tawh lo an awm nual. Keeper-ah Karanjit Singh leh probable squad-a lo tel tawh Arindam Bhattacharya te chu koh zingah an tel.

Defender zingah Reagan Singh, Gurwinder Singh leh Augustin Fer­nandes te chu koh nawn an ni tawh lo a, an aiah hian Aiborlang Khongjee, Narayan Das leh Pritam Kotal te koh an ni.

Midfielder zingah Man­dar Rao Dessai chu koh nawn a ni tawh lo a, Pro­noy Halder, Brandon Fer­nandes leh Rowlin Bor­ges te koh thar an ni thung.

GOALKEEPERS:

Subrata Paul, Karanjit Singh, Gurpreet Singh Sandhu, Arindam Bhattacharya, Sanjiban Ghosh.

DEFENDERS:

Arnab Mondal, Sandesh Jhingan, Aiborlang Khongjee, Dhanachandra Singh, Lalchhuanmawia, Narayan Das, Rino Anto, Pritam Kotal.

MIDFIELDERS:

Dhanapal Ganesh, Eugenson Lyngdoh, Cavin Lobo, Sehnaj Singh, Jackichand Singh, Pronoy Halder, Brandon Fernandes, Francis Fernandes, CK Vineeth, Rowlin Borges, Romeo Fernandes.

FORWARDS:

Holicharan Narzary, Jeje Lalpekhlua, Robin Singh, Sunil Chhetri.