Juventus chak zo lo

Champions League nomawi beisei ngam Juventus-in an match hmasa berah hnehna an chang zo lo a, nikum group stage-a an mikhual ṭuma 2-0 a an hneh tawh Spanish club Sevilla nen goal khung loin an inhnehtawk.

Italian club-in inkhel ṭantir lamah chance nei ṭha mah se Sami Khedira chuan an hun ṭha neih vawi hnih lai a khawhral a, Gonzalo Higuain chuan minute 60 hnuah a hun
ṭha neih chu crossbar tauh per nan a hmang bawk.

Europa League cham-pion Sevilla tan Nicolas Pareja chu Juventus tlar-hma dang chattu a ni a, Argentine defender hian Paulo Dybala goal khung tur nia ngaih chu lo dan sak hmanin Miralem Pjanic-a'n Higuain tan hmun hlauhawma ball a siamsak a lo tibuai hman bawk a, kum 32-a upa de-fender hi a khel ṭha takzet.

Juventus coach Mas-similiano Allegri chuan, "Champions League chinah chuan inkhel awlsam tak a awm tawh loh avangin kan lunghnur lutuk tur a ni lo. Point thum kan hlawhchhuah loh avangin pawi kan ti a, amaherawhchu insiam-ṭhaa last 16 lut turin hun tam tak kan la nei a ni," tiin a êng zawngin a thlir.

Group H inkhel dang-ah Lyon chuan an mikhual Dinamo Zagreb chu 3-0 in an sawp a, Alexandre Lacazette inhliam vanga inlan rawlthar duhawm Maxwel Cornet chu Lyon tana player langsar ber a ni.

French club tan Co-rentin Tolisso leh Jordan Ferri ten goal hmahruai an khung hnuah kum 19 leka upa forward Cornet hian an goal thumna a khung a, mikhual team Dinamo tlarhnung a chhaih mangang tluan chhuak zak bawk.