A sang 10 zingah Spain tel lo

FIFA ranking tih chhuah thar berah world champion leh European champion ni tawh Spain chu a sang 10 zingah an tel phak lo. Football thiam ram Brazil (167) chu ranking hmasa chhuah hnuah point hmuh belh hnem ber niin palinaah an invawrh chho thung - India chuan point 205 hmuin 148-na an ni thung a, step liin hma an sawn.

Spain hian coach thar Julen Lopetegui kaih-hruaina hnuaiah Belgium chu friendly match-ah 2-0 in an hneh a, World Cup qualifying-ah Liechtenstein chu 8-0 in sawp bawk mah se point 1141 chauh an neih rih avangin 11-naah an lungawi rih a ṭul.

Lionel Messi te ram Argentina chuan point 1646 hmuin pakhatna an la nih chhunzawm zel a, an hnungah hian Belgium (1369) leh Germany (1347) te an awm.

Ram hmasawn ber chu Bolivia niin 75-na ṭangin 35-naah an in-vawrh chho a, Malawi (99, up 28), Faroe Islands (111, up 24) leh Do-minican Republic (114, up 24) te pawh hmasawn nasa zual an ni bawk.

FIFA Ranking Thar

# Ram Points

1 Argentina 1646

2 Belgium 1369

3 Germany 1347

4 Colombia 1323

4 Brazil 1323

6 Chile 1284

7 Portugal 1228

8 France 1188

9 Uruguay 1173

10 Wales 1161