Legia Warsaw-in ngaihdam dil

Polish club Legia Warsaw chuan Champions League match-a Borussia Dortmund 6-0 a an ngam lohna inkhela mawi lo taka che fan-te chu hremna an pek ngei tur thu an sawi a, ngaihdam an dil nghal bawk.

Nilaini zan inkhelah hian Warsaw fans ṭhenkhat chu Dortmund fan-te awmna lam pan an tum avangin security-te nen an innawr buai deuh nia sawi niin hnam inhmuhsitna hawi zawnga zaiah puh an ni bawk a, Legia chuan hei erawh phain mi rilru tihnat an nei a nih chuan ngaihdam an dil thung. UEFA chuan report a ngaichang mek a, match report a dawn hunah Legia Warsaw hrem dan tur hi ngaihtuah tur a ni.

Hetihrual hian kum 2018 UEFA Champions League final chu May 26-ah Ukraine khawpui Kiev-ah khelh a nih tur thu puan a ni a, NSC Olimpiyskiy Stadium-ah khelh a ni ang.