Chanmari West-in Dinthar an sawp

16th September, 2016

Chanmari West FC winger R. Laldanmawia'n a club hlui Dinthar FC lakah hattrick a siam a, HC Zarzoliana hoten MPL1 champion 4-0 in an sawp.

Mizoram Premier League Season 5-ah West Warrior-in chak hmel an hmu ta a, Lalbiakhlua'n minute 24-naa goal hmahruai a khung a, MPL1-a Dinthar FC champion-puitu Danmawia chu man of the match-a thlan a ni.

Danmawia a mawi

Chanmari West-in tlar hmaah H. Lallianzama an mal tlattir a, Lunglei Zobawk tlangval hian minute 20-naah keeper chiah hmachhawnin a pet goal lo.

Hemi hnu hian Danmawia vawrh luh chu Armed Veng tlangval Hlutea'n a tauh goal a, Dinthar keeper Lalrinhlua'n a tihtur a titawk lo.

Second half ṭang aṭanga minute ngana lekah Lianzama ball vawrh chu Danmawia'n Dinthar defender bum nan hmangin goal mawi a khung a, minute 64-naah Laldampuia leh Hlutea te thawhrah sengin Danmawia bawkin a khung.

Minute 77-naah Danmawia'n hattrick a siam a, Dinthar tlarhnung phui tawk lo vang chu ni bawk mah se Chanmari West winger hian goal khung a thiam tih a chiang hle.

Dinthar FC-in Chanmari West keeper Lalruatpuia tan hna an siam lo a, minute 79-naa Lalbiaknia hnawhchhuah a nih bawk avangin goal dang an chhuah belh lo erawh an vannei hle.

Eng nge an sawi?

Dinthar FC coach Lalrin-tluanga chuan, "Kan defender pathum lai damlo chungin an khel a, goal kan chhuah hma bawk avangin tho chhuak leh tur kan awm tawh lo," tiin an khel
ṭha lo tih a pawm.

Chanmari West FC coach HC Zarzoliana chuan, "Kan khelh danah ka lungawi a, team ṭha zawk hmaa fiahna harsa zawk hmachhawn thei turin kan inpuahchah a ngai a ni. Team
ṭha zawk kan tum hunah chuan kan chance hlahna ang kha chu kan hlah nawn a thiang lo ang. " tiin Vanglaini palai a hrilh.

Tute nge inlan?

Chanmari West (4-1-4-1) : Lalruatpuia; Racy K. Lalremmawia, R. Lalawmpuia, Toky Zomuanpuia, Vanlalzuia Hnamte; K. Lalnunzama; R. Laldanmawia (Ramengmawia 87'), Lalbiakhlua (JH Lallawkima 85'), Lalmuansanga, Laldampuia; H. Lallianzama (PC Lalhruaitluanga 77').

Dinthar FC (4-1-2-3) : Lalrinhlua; Stephen Lalnunmawia, Lalremtluanga, Vanneihtluanga, Lalbiakzuala; Joseph Lalṭhafela (Lalramengmawia 57'); Samuel Laltlanthanga, Lalhmachhuana (R. Lalnunmawia 67'); Lalbiaknia, Michael Lalremruata (Chawngthansanga 82'), Lalruatpuia.

ZoFooty Statistics

Chanmari West 4 - 0 Dinthar FC

CWFC : Lalbiakhlua 24';

R. Laldanmawia 50', 64', 77'

MoM : R. Laldanmawia, CWFC

52% Ball Possession 48%

14 Shot(s) 6

8 On Target 0

3 Yellow Card (s) 2

0 Red Card (s) 1

Mobile Showroom