Eddie Howe-a'm Pep a fak

Bournemouth ma-na--ger Eddie Howe chuan kartawp Premier Lea-gue-a an hmachhawn tur Manchester City ma-nager Pep Guardiola chu khaw-vela manager ṭha berte zinga mi a nih thu a sawi.

Howe chuan, "Cham-pions Leagua-a an inkhel kha ka en a, City hi champ-ion thei tur khawpa team ṭha an nih zia ka hmu. Khaw-vela manager ṭha berte zinga mi an nei bawk a, anni laka point hmu tur chuan thil mak kan thlen tir a ṭul ang," tiin a sawi.

Kum 38-a upa Howe chuan sawi chhun-zawmin, "Striker rinrawl Sergio Aguero hrem vanga a inlan lo tur hi kan tan thil ṭha tak ni mah se an squad thlir hian player pakhat awm loh vanga buai tur an niin ka hre lo," a ti.

English manager hian transfer tawp nia Arsenal aṭanga loan-a an hawh midfielder Jack Wilshere leh striker Callum Wilson te chungah rinna a nghah thu a sawi tel bawk.

Howe chuan, "Tlar-hma lamah Callum Wilson a rintlak a, inrintawkna nen khelmual chhunga a luh ṭhin avangin a chungah rinna kan nghat ngam. Ani hnunga ding tur hian Wilshere kan nei bawk a, kan khingpuite tlarhnung su hawng turin theihna kan nei," tiin City lakah goal venhim chauh ni loin a khung lam pawh an tun tur thu a sawi tel.

Bournemouth hian tun season league match li an khelh tawh aṭangin point li an hmu tawh a, Premier League table-ah 14-na niin Inrinni zan dar 7:30 hian Man City khel turin Etihad Stadium-ah an lenglut ang.