Sunderland-ah Kone a nghet

Nipui transfer laia Everton pan tura thawm nei lian tak Sunderland defender Lamine Kone chuan a club-ah kum nga dang cham chhunzawm leh turin contract a ziak.

Sunderland manager David Moyes chuan, "La-mine hi kan club tan player pawimawh leh ṭangkai a ni a, he hmunah hian hmabak a la ngah avangin a tan cham chhunzawm zel hi a ṭha," tiin a sawi.

Moyes chuan sawi chhun-zawmin, "Premier League-ah match 16 a khelh aṭangin goal hnih a khung tawh a, he league ropui takah hian hun a la hman rei loh ngaihtuah chuan a theihna san zia kan hmu chiang tawh hle," a ti.

Kum 27-a upa Kone hi nikum January thla khan khatih hunlaia Sunderland manager Sam Allardyce-a'n a lalut a, season hmasa Premier League-a an in-ham tan theih nana player pawi-mawh niin an league match hnuhnung bera Ever--ton an hmachhawn ṭum--in goal a khung nghe nghe.

Tun season-ah Sun-derland hian match li an khelh tawh aṭangin point khat chiah an la hmu a, table-ah 19-na niin an hnuaiah hian an point hmuh zat ang tho hmu mek Stoke City chiah an awm.