Kazakhstan hnehin India an tlang

Nilaini khan India chuan Kazakhstan chu 100-90 in an hneh a, ram leh ram basketball inelna FIBA Asia Challenge 2016-ah quarterfinal an lut. Group E aṭangin India bakah hian China, Jordan leh Taipei te an tlang ve bawk.

Azadi Sports Complex-a inkhelah hian India tan veteran trio Yadwinder Singh, Amjyot Singh leh Amritpal Singh te bakah captain Amritpal Singh, guard duo Vishesh Bhriguvanshi leh T. J. Sahi te an khelṭha lehpek hle. Amritpal Singh hian Kazakhstan lakah hian point 28 a score bakah rebounds vawi sarih a la a, assist vawi hnih nei bawkin hruaitu nih a tlin hle.

India hian an match hmasaah bul ṭan fuh loin Jordan (121–65) in hneh lo mah se Asian powerhouse tia sawi ṭhin China chu 70-64 a hnehin tunah Kazakhstan an hneh zui leh tak avangin a zawna a ṭum thum nan a sang pariat zingah an inhlangkai.

Group F aṭangin China, Iran, South Korea leh Japan ten quarterfinal an lut bawk a, zanin dar 6:30 hian Azadi Basketball Hall, Tehran-ah India leh Iran an inhmachhawn ang. September 18, Pathianni hian final khelh hman tura ruahman a ni.