F1 driver hluin gold medal la

Formula 1 driver hlui Alex Zanardi chuan Rio Paralympic neih mekah Road time trial (H5)-ah gold medal a dawng. Italy tlangval hian 2012 London-ah khan Road time trial (H4) leh Road race (H4)-ah gold medal a lo la tawh bawk.

September 15, 2001 khan American Memorial CART Championship-ah Zanardi hi a chesual a, a ke pahnih a chan! Formula 1 inelnaa intlansiak vawi 41 a inlan tawh Zandari hian hliampui a tawrh hnuah infiamna khawvel a kalsan chuang lo a - World Championship-ah pawh gold pariat ngawt a la tawh.

Kum 49-a upa hand-cyclist chuan, "Ka van-nei a, ka hringnun hi lungchhiat thlak taka tawp tir ka tum lo. Hman kuma ka chetsualna kha ka infiamna khawvela ka nun pakhat zawk bul-
ṭanna a ni a, khawvel hriata ka inpholanna tur bul a lo ni zawk," tiin a sawi.