Dan rual loh Pep leh Aguero

Sergio Aguero goal thum khung hmang-in Manchester City chuan Champions Lea-gue a an match hma-sa berah Borussia Mon-chengladbach 4-0 in an sawp. Pep Guardiola en--kawlna hnuaiah Man City hian match sarih khel tawhin hnehna an la chang fai vek.

City hi Thawhlehni zana inkhel tur ni mah se ruah sur nasa vangin an inkhelh hun hi Nilai zanah sawn niin Etihad Stadium-ah Argentina international hian minute 8', 28' leh 77'-ah te goal a khung a, substitute Kele-chi Iheanacho chuan hun tawp hma chiahin an chak nem-nghehna a khung bawk.

Kum 28-a upa Ague-ro hian tun season-ah match nga a khelh aṭang-in goal kua a khung tawh! Champions League bikah hian a pumpuiah goal 25 khung tawhin Manchester United legend Paul Scholes aiin goal khatin a khung tam ta chiah. Michael Owen leh Andy Cole te hnungzuiin English club tan Champions League-a hattrick siam thei pathumna a ni.

Aguero hi khelṭha tluang viau mah se FA-in match thum khel thei lo tura a hrem lai a ni. Manchester derby-ah inlan thei loin kartawpa Bournemouth an hma-chhawn hunah leh League Cup-a Swansea City an lenchilh hunah a la inlan thei lo bawk ang.

Manchester City hian League, Carling Cup leh FA Cup te chawi tawh mah se Champions League an la chawi lo a, Europe-a inelna sangah hian vawi hnih chu group stage paltlang loin ṭum hnih chu last 16 aṭangin pet chhuah an ni a, season hmasa kha an tawn san ber niin semifinal an lut. - Spainish manager hnuaiah eng chen nge an thlen theih ang tih hi football ngainatute hriat chak chu a ni.

City manager Guar-diola chuan, "Kei leh fan-te hlim taka min siamtu player-te chungah ka lawm. Vawiin khan hun tawp lam minute 15 chhung tih loh kha chu kan khel ṭha tak zet a, kan zir zel anga kan ṭha tulh tulh ang. Kan inkhelh tawhah hnehna kan la chang zel a, hetianga kal zel tur chuan stadium khat tlata fans an rawn punkhawm a pawimawh," tiin a sawi.