Morata goal kha

Real Madrid striker Alvaro Morata-a'n Cham-pions League match-a Sporting Lisbon lama goal a tauh luh chiah khan a team thar tan euro maktaduai khat a tauh chhuak a, a hlutna a sang hle.

Champions League match-ah team pahnih an inhnehtawkin euro 500,000 ve ve an insem
ṭhin a, chak zawk an awm chuan hnehna changtu club hian euro maktaduai 1.5 an dawng ṭhin. Nilani zana Real leh Sporting Lisbon an inkhelh khan minute 90 thleng chu team pahnih hi 1-1 in an inhnehtawk.

Mahse, minute 94-na-ah Juventus aṭanga Santiago Bernabeu lama kir leh Morata a inlar a, Spain international hian James Rodriguez hnen
aṭanga a ball hmuh chu Real chak nan a khung a, euro 500,000 dawng tur team hian euro maktaduai 1.5 an dawn phah ta zawk a ni.

Real Madrid hian Pa-thianni zan dar 12:15-ah La Liga match an khelh leh-nghal dawn a, khual-mualah Espanyol an lenchilh ang.