Arsenal tan fimkhur a ngai
Premier League kai-thar Hull City-in goal-keeper tiam loin senior player chhawr theih 14 chiah nei chungin sea-son bul ṭan mah se an match hmasa pahnihah champion lai Leicester City leh Swansea City an hneh thei a, zanin dar 7:30-a an mikhual tur Arsenal tan zuam sual theih tur an ni.
Champions League khela Paris Saint-Ger-main a zin chau Gunners leh Hull te hian tun din-hmunah league match li khelh tawh aṭangin point sarih ve ve an hmu a, an intiattawk rih miau avangin inkhel hmuh-nawm beisei a sual lo ang.
Sulhnu kan thlir kir erawh chuan club pa-hnihte vawi 38 an intawn tawh aṭangin Arsenal hi vawi 24 chak tawhin an chungnung fal hle a, vawi sarih a chak lo zawkah
ṭangin ṭum sarih dang an inhnehtawk bawk.
Manager Mike Phelan kaihhruaina hnuaiah Hull hian Manchester United an chai tawk hle a, hun tawp dawna Marcus Rashford goal khung chauh chu an danglamna a ni, hemi hnuah Burnley nen 1-1 a inhnehtawk leh tawhin inrintawkna an neih san lai tak a ni ngei ang.
Arsenal manager Ar-sene Wenger-a'n PSG hmachhawn turin Petr Cech aiah David Ospina a thlang; Colombia keeper hi Gunners tana point khat hlawhchhuah puitu ang hiala ngaih ni mah se zanin hi chuan Premier League a tawnhriat ngah berte zingami Cech kan hmuh a rinawm leh tawh zawk.
Gunners hian tun season league-ah chauh goal ruk an chhuah tawh a, champion tum tan chuan match lia an goal chhuah zat hi a tam lutuk! Valencia aṭanga pound maktaduai 35 zeta an lakluh Shkodran Mustafi leh Laurent Koscielny te player ṭha tak ni mah se PSG laka an talbuai dan aṭanga chhutin an la inkawp rem tawk lo.
North London club hian league-ah goal kua an khung tawh thung a, tlarhma lam chu an ngaihtuahawm hran lo tih a chiang - Wenger tan goal khung dan tura ngaihtuahna hman vak ai chuan tlarhnung remphui dan ngaihtuah a ṭul.
Tlarhma lamah stri-ker Lucas Perez-a'n Sou-thampton lakah beisei a phak loh avangin PSG lakah bench-ah ṭhuttir a ni. Wenger-a'n Euro 2016 khelh vanga season bulṭan tlai bik Olivier Giroud aiin forward Alexis Sanchez lakah rin-na a nghat sang zawk a, Hull lakah erawh French striker hian inkhel bul a ṭan ve tawh tura ngaih a ni.