Neymar transfer chhui dawn

Spanish La Liga hotute chuan Neymar-a'n kum 2013-a Barcelona a zawm chungchangah thil felhlel a awm nia ngaiin Catalan club hi inbiakna neihpui an duh thu an sawi.

June khan Barcelona hian Neymar an lakluh dana chhiah awl rua puh an nih chungchangah Spanish Public Prosecutor Office hnenah hrem an nihna pound maktaduai 4.3 chu an pe a, hemi chungchang hi La Liga chuan chhui ve leh an duh a ni.

Barcelona lamin an tarlan dan chuan Santos aṭanga Neymar lakluh nan khan euro maktaduai 57 an inseng a, Neymar-a chhungte hnenah euro maktaduai 40 pein Santos hian euro maktaduai 17 an tel thung. Mahse, chhui chiangtute chuan Ca-talan club hian Neymar-a manah hian euro mak-taduai 83 an inseng a, chhiah awl ruk nan a man zat hi a dik takin an puangzar lo niin an sawi.