Australia dinhmun a ṭha

Ram leh ram mipa tennis hmanga inelna 2016 Davis Cup World Group playoff khelh mekah Australia chuan Slovakia lakah 2-0 in hma an hruai mek.

Australia tan hian world number 15 Nick Kyrgios chuan Andrej Martin chu 6-3, 6-2, 6-4 in a hneh a, world number 21 Bernard Tomic-a'n Jozef Kovalik lakah 7-6 (7/5), 6-4, 6-4 a hnehna a chan bawk avangin an ram hi dinhmun ṭha takah an dah.

2016 Davis Cup World Group Playoff-ah hian best of five hmangin chak zawk zawn ṭhin a ni a, singles match li leh doubles match khat hmanga inelna neih ṭhin a ni.

India chuan playoff khel tur hian Spain a lo mikhual ve thung a, nizan aṭang khan Delhi-ah inelna neih ṭan niin Grand Slam vawi 14 champion tawh Rafael Nadal chu Spain player zinga langsar ber a ni.