Lyon-in Adebayor la dawn lo

Ligue 1 club Lyon-in Arsenal, Manchester City leh Tottenham striker hlui Emmanuel Adebayor chu lak tumin hma la tawh mah se an inhnukdawk tih an puang.

Crystal Palace-in an chhuah zalen vanga club nei lo mek Adeba-yor hian Zirtawpni khan Lyon-ah coach Bruno Genesio a hmu a, amaherawhchu Ningani khan French club hian an striker inhliam Alexandre Lacazette thlak nan third division club Chateauroux aṭanga an lak kum 19-a upa Jean-Philippe Mateta an lak tho avangin Togo striker hi lak ṭul kherah an ngai ta lo.

Adebayor hian nakkum 14 January - 5 February chhunga khelh tur Africa Cup of Nations-ah ram tana khelh a duh avangin thla hnih chhung a chhawr theih dawn lo a, September 1-a Champions League khel tur tihchian a nih tawh bawk avangin Lyon hian Togo striker hi la se group stage-ah an chhawr thei lo.

French club Lyon hian Adeba-yor hi an mamawh huna an chhawr theih chuang loh avangin free agent ni mah se contract an ziahpui duh ta lo a ni.