Hart-a'n goal chhuah lo

Pep Guardiola duh loh Joe Hart-a'n Torino tana a match hmasa berah goal hnih chhuah nghal mah se Pathianni zan Serie A inkhel-ah erawh minute 90 chhung goal a chhuah ta lo a, an mikhual Empoli nen goal awm loin an inhnehtawk.

England goalkeeper Hart-a'n hna hautak a nei lem lo a, minute 63 thleng chu Empoli hian an khingpui goal-ah an pet miah lo - inkhelh chhung zawngin ṭum hnih chiah goal zawnah an pet. Kum 29-a upa Hart hian Vincent Laurini leh Manuel Pucciarelli te goal khung tur a dan sak a ni.

Manchester City aṭanga loan hmanga Torino zawmtu Hart hian a match hmasa bera Atalanta an hmachhawn
ṭumin corner-ah a chetsual vangin goal an chhuaha ngaih a ni, tunah erawh England tana match 66 khel tawh keeper hian a tihsual a siamṭha chho ta.