Paralympic-ah India-in gold pahnih la
Rio Summer Para-lym-pic 2016 chu Thawh-ṭanni zing khan Ma-racana Stadium-ah khar a ni. India chuan gold pahnih bakah silver leh bronze pakhat ve ve lain 43-na an ni. Inelna pumpuiah China chuan gold 105 lain pakhatna an ni a, pahnihna Great Britain chuan gold 64 lain Ukraine (41) chu pathumna an ni.
Kumin Paralympic-ah hian ram hrang hrang 159 aṭangin infiammi 4,342 an kalkhawm a, inelna chi hrang 22
aṭangin a peng hrang 528 a awm. Tokyo 2020-ah chuan infiamna huangah hian a vawi khat nan tae-kwon-do telh a ni dawn.
International Paraly-m-pic Committee presi-dent Sir Philip Craven chuan, "Brazil hian an hnam chindan leh kal-phungin Paralympic hlawhtling takin an thleng a, fak an phu hle. Hun harsa leh khirhkhan tak karah thil hautak tak an hmachhawn theih a-vangin an ropui hle. He Paralympic hian khawvel puma rualbanlo infiammite tan inpumkhatna a siamsak a, ram hmasawn tawh
ṭhenkhat aṭangin ram dangte pawhin zir belh tur kan nei zel tih a lang bawk," tiin a sawi.
Rio Paralympic-ah hian thil thleng langsar tam tak a awm a, chung zinga sawi zui hlawh ber pakhat chu mipa khawhmuh fiah lote inelna 1500m (T13 class) kha a ni. Maracana Stadium-a intlansiakah Abdellatif Bak chuan gold medal dawng tur hian minute thum leh second 48.29 chiah hun a hmang. Rio Olympic mipa 1500m intlansiaka pakhatna Matthew Cen-trowitz Jr. khan minute thum leh second 50 hun a hmang thung - fukekim, piangphunga dik lohna nei lo aiin Baka hi a chung-nung zawk fe tihna a ni!
Hei mai hi a la ni lo - Rio Olympic-ah khan mipa 1500m in-tlansiaka pahnihna Taoufik Ma-khloufi (3:50.11) leh pathumna Nick Wil-lis (3:50.24) te kha Pa-ralympic-a pahnihna Ethio-pian athlete Tamiru Demisse (3:48.49) leh pathumna Kenyan tlan chak Henry Kirwa (3:49.59) ten an khum hneh hle a, rualban lo zinga pathumna ai pawhin Rio Olympic-a pakhatna United States tlangval khan hun a hmang rei zawk tihna a nih chu!
Thla hmasa a neih zawh tak khaw-vela infiammite intawhkhawmna lian ber Rio Olympic-a mipa 1500m intlansiak bik kha kum 1932 Los Angeles Olympic hnua athlete-te an tlan chhiat ber ṭum a ni a, tuna Baka ten an record an rawn siam hnan pawh hi a mak hran lo.
Medal Tally
# Ram G S B T
1 China 105 81 51 237
2 Great Britain 64 39 44 147
3 Ukraine 41 37 39 117
4 United States 40 42 30 112
5 Australia 21 29 29 79
6 Germany 18 25 14 57
7 Netherlands 17 19 26 62
8 Brazil 14 29 28 71
9 Italy 10 14 15 39
10 Poland 9 18 12 39
43 India 2 1 1 4