Imphal-ah I League 2 khel dawn

Vawiin chawhnu dar 2:00 hian Manipur club Keinou Library & Sports Association-in Khuman Lampak Stadium-ah FC Bengaluru United an mikhual dawn. Inelna ṭantirh lamah Manipur rambuai vangin Imphal-ah state dang team an lenglut duh lo a, President rule hnuaia an awm hnuah AIFF-in inelna thlen a phalsak.

State dang club-te hian Imphal-a zin an duh loh thu ziakin AIFF-ah thlen mah se India rama football thuneitu sang berin an pawmsak lo. State dang club-in Khuman Lampak Stadium-ah Manipur club an hmachhawn a ṭul tawh dawn.

Bengaluru United-in Klasa an hmachhawn dawn a, Nallapan Mohanraj-a hote hian an match hnuhnung berah Chanmari FC an hneh lo. Klasa an hmachhawn hma hian Manipur club Neroca 2-1 in an hneh lo a, Trau erawh 3-0 in an hneh thung.

Klasa hian tun inelnaah point khat chiah an la hmu a, Bengaluru United an hmachhawn zawh hian Chanmari FC hmachhawn turin Aizawl an rawn pan ang. Mizo club hian match ruk aṭangin point 16 an hmu a, hmahruaitu an ni mek.