Kean-a'n damdawi in chhuahsan

Fiorentina striker Moise Kean chu Pathianni zan inkhelhnaa a chetsual vangin damdawi inah hruai a ni a, ngai awh leh tawhin damdawi in a chhuahsan.

Verona khelmualah Fiorentina hi 1-0 in an tlawm a, he inkhelah hian Kean hi defender Pawel Dawidowicz khupah a intauh.

Everton leh Juventus striker hlui Kean hi khel lehin minute ruk hnuah a tlu a, khelmualah enkawl a nih hnuah damdawi in panpui a ni. Kean hian tun season Serie A-ah goal 15 khung tawhin club top scorer a ni mek.