Chawlh ka mamawh - Murray

World number 2 Andy Murray chuan hun rei zawk inkhel zel thei turin tun dinhmunah a tak-sa chawlh hahdamtir a mamawh thu a sawi chhuak.

Britain tlangval Mur-ray hi kuminah a inkhel tam hle a, Grand Slam hmasa Australian Open leh French Open final-ah te world number 1 Novak Djokovic hneh lo mah se Wimbledon leh Rio Olympic-ah a champion. Hemi hnu hian US Open-ah Kei Nishikori hneh loin a tla a, Davis Cup-ah Argentina lakah an nomawi an humhim thei lo bawk.

Kum 29-a upa Murray chuan, "Tun hnaiah ka inkhel tam lutuk a, ka chau tawngkhawng ta ni berin ka hria. Ka team te nen kan sawiho tawh a, chawlh ka mamawh rih. Tun hma lama na ngai lo ka tihrawl ṭhenkhat a nuam lo a, endik a nih hnuah rin aiin a lo serious lo hlauh. Ṭha zawka inkhel chhuak leh tur chuan rilru leh taksa ka hawhchlawh tir hmasak a ṭul," tiin a sawi.

Grand Slam vawi thum champion tawh Murray hi October 3 a khelh tur China Open leh a hnua khelh tur Shanghai Masters-ah te inlan tura ngaih a ni. Heng bakah hian ATP ranking-a a sang zual pariatte inelna November thlaa neih tur ATP World Tour Finals-ah a inlan dawn bawk.