Schumacher dinhmun a ngai

Nikum December thla khan German magazine pakhat Bunte chuan Formula 1 legend Michael Schumacher chu amah enkawltute puihnain a ban a phar thei a, zawi te tein a kal chhet chhet thei niin an ziak!

Kum 47-a upa Michael Schumacher hi kum 2013 khan France rama vur tlengnaah chesualin a luah hliam a tuar a, thlaruak chhung ngawt nikhaw hre lo a awm hnuah an chenna Switzerland-ah hruai niin tun thlengin a la ṭha chhuak lo. Kumin February thla khan Ferrari lama amah lo enkawl tawhtu Luca di Montezemolo chuan a dinhmun a ṭhat loh thu a lo sawi tawh nghe nghe.

Schumacher-a agent Sabine Kehm chuan Bunte ho hian thu dik lo an ziah thu a lo sawi tawh a, tunah an chhungkaw danhremi Felix Damm chuan court hmaah F1 driver ropui chuan hma a sawn rih loh thu leh kea a kal theih tawh rih loh thu a sawi.