Rangers-in Joey Barton hrem

Scottish club Rangers FC chuan Joey Barton chu kar thum chhung atan an hrem. Kum 34-a upa Barton an hrem chhan hi training ground-ah midfielder Andy Halliday nen an inhnial buai naah ṭawngkam mawi lo a hman vang a ni.

Rangers hian an midfielder, tun season-a match riat khel tawh Barton hi an club leh manager Mark Warburton lak aṭanga awm hlattir rih an duh niin thuchhuah an siam. Barton leh Halliday inhnial chhan hi Scottish Premiership-a an elpui Celtic 5-1 a an hneh loh chungchang an thlir letna a thleng a ni.

Barton chuan, "Ka ṭawngkam hman ṭhenkhat kha hman loh tawp tur a ni a, ka tihsual vangin ngaihdam ka dil," a ti. England tana match khat khel tawh Barton hian training mamawh lo ang maia inngai nia an sawi erawh a pha thung.