Lampard inhliam

Chelsea midfielder hlui Frank Lampard chu a chawn na vangin chawlhkar thum vel a inkhel thei dawn lo. New York City playmaker hi Pathianni zana Dallas nen 2-2 a an inhnehtawk ṭumin a inhliam a ni. Kum 38-a upa Lampard hi hliam vang thoin season tir lam khan match 12 chhung a khel thei lo tawh bawk.

England international hlui hian season a hmang ṭha ang reng hle a, goal 12 khung tawhin an team thahrui pawimawh a ni. Tun dinhmunah Eastern Conference lamah match li khelh hmabak la awmin table-ah pathumna an ni mek.

Arsenal legend Patrick Vieira enkawl team hian point 45 hmuin pahnihna New York nen an point a inzat a, pakhatna Toronto FC chu point hnih chiahin an phak lo - Inrinni hian Yankee Stadium-ah Chicago Fire an hmachhawn leh ang.