Jermain Defoe tel loin

Premier League-a point khat chiah la hmu Sunderland-in Loftus Road-a Queens Park Rangers an tlawh hunah striker pawimawh Jermain Defoe a tel thei dawn lo.

Black Cats boss David Moyes chuan, "League Cup aṭanga hnawhchhuah ai chuan khelh zel kan la duh. Chuvangin hnehna chang thei tura ngaih player ka luhtir dawn. Premier League thlir chungin player awltir erawh a ṭul dawn a, Defoe pawh inhliam vangin a khel thei lo ang," tiin a sawi.

QPR hi 2014-2015 season khan Premier League aṭangin an relegate a, Championship lamah result ṭha an nei bik lo - tun season-a match riat khelh tawhah 16-naah an awm mek.