Bellerin laklet kan duh - Mestre

Barcelona vice-presi-dent Jordi Mestre chuan a naupan laia an lo enkawl tawh ṭhin Arsenal right-back Hector Bellerin chu Nou Camp lama hruai haw leh an duh thu a sawi chhuak.

Bellerin hi Barcelona aṭanga bul ṭanin kum 16-a upa chauh a nih laiin Arsene Wenger-a'n Emirates Stadium-ah a hruai lut a, tunah chuan kum 21-a upa ni tawhin Premier League defender langsar pawl a ni tawh - Spain tan pawh Euro 2016 khel tura koh a ni tawh nghe nghe.

Mestre chuan, "Wen-ger khan kan tiam theih loh tiamin a rilru a hmin a, a hruai chhuak. Khatih hunlai khan Dani Alves luahlanin kum hnih hnuah starting XI a chang ang tih kha kan tiam thei lo a ni," a ti. Tunah chuan Brazil international Alves hian Juventus a zawm tawh.

Kum 2011 khan Bar-celona hian a naupan laia an enkawl tawh tho Cesc Fabregas chu Gunners hnen aṭang hian an lo lalet tawh bawk a, hetianga Mestre a ṭawng chhuak hi North London club ṭan-tute tan thu ngaihthlak nuam lo tak a ni ngei ang.

Mestre chuan sawi chhunzawmin, "Kan pla-yer ṭhenkhat ten hmasawn duh vanga hmundang an pan a nih chuan a pawina a awm lo a, an tawnhriat tam tak nen an lo kir hi kan duh. Tun dinhmunah chuan Bellerin hi ṭha tak a nih zia zep tur a awm lo," tiin a sawi.

Barcelona hian Fabre-gas bakah hian Gerard Pique, Jordi Alba leh Denis Suarez te chu club danga an intuaihriam tir hnuah an lo lalet tawh. Bellerin hian Arsenal-ah kum 2019 thleng cham turin contract a nei mek.