AFC hmaah BVT

Aizawl FC-in Chanmari FC an hneh loh hnuah ni khat chiah chawlh an nei a, vawiin tlai dar 2:30 hian Bethlehem Vengthlang FC an hmachhawn nghal dawn.

Lalbiaksanga Colney kahhruaina hnuaiah BVT-in Mizoram Premier League-ah hneh loh an la tawng lo a, Durand Cup khelh avanga chawlh hun nei tlem bik Aizawl FC tan fiahna hautak tak a ni ngei ang.

Intawnna hmasa

MPL bikah vawi li inkhel tawhin Aizawl FC hi vawi hnih an chak a, vawi khat inhnehtawkin an intawn hnuhnung bera chak zawk chu BVT an ni.

Armed Veng pa Lal-biaksanga'n Bethlehem VT a enkawl hnuah MFA Super Cup semifinal-ah club pahnih hi a intawng a, goal awm loa an inhnehtawk hnuin Aizawl FC-in hnehna an chang.

August 23-a club pahnih intawn
ṭum hian K. Malsawmkima hoten inkhel thunun chungin goal an khung thei lo a, Chanmari FC lama goal khung thei lo AFC hian vawiin tlaia goal an la khung chuang lo a nih chuan penalty shootout a awm tawh loh avangin point khat an insem ang.

Lungawina - Point 3

BVT hian thla khat chhungin nasa takin hma an sawn a, player an neih
ṭhat sa avangin MFA Super Cup leh MPL inkarah player fitness ngai pawimawhin team ṭha zawk an ni tawh.

BS-a hoten Zo United leh Chanmari West an hneh hnuah Ramhlun North draw mah se Aizawl FC player chau laka point thum hmuh loh uiawm zia an hria.

BVT coach BS-a chuan, "Aizawl FC hian hahdamna hun ṭha an nei lo a, kan tan chuan chak tuma khelh ngei ngei a
ṭul. Chanmari FC hneh lo mah se anni hi MPL-a team ṭha berah ka ngai a, point thum kan hmuh chuan result ṭha bik a ni ang," tiin a sawi.

Aizawl FC hian inkhel an thunun
ṭhin avangin midfield lai chu club pahnih inbeihna tur a ni a, BVT boss chuan, "Midfield-ah chungnun kan tum ang. Chumi mil tur chuan player pawh ka rem ang," tiin Vanglaini palai a hrilh.

Chanmari FC-in midfield thunun tumin player pathum khelmual laiah dah mah se AFC captain Rohming-thanga an ngam lo. Veteran midfielder Rohminga hian ngaiawh hman turin ni khat chiah a nei a, coach Mala tan player naupang zawk chhawr tur an la awm tho bawk.

Aizawl FC coach Mala chuan, "Du-rand Cup kan khelh avanga kan chauhna chu a reh tawh. Chanmari FC kan hneh loh avangin BVT hi kan hneh ngei ngei a ngai a ni," tiin point thumah chiah a lungawi tur thu a sawi.

MPL champion hian chak turin player an nei a, au phurtu fans an nei ang em? BVT chuan an nei ang.

Team Dinhmun

# Team Pld W D L GF GA GD Pts

1 Chanmari FC 3 2 1 0 6 2 4 7

2 Bethlehem VT 3 2 1 0 3 1 2 7

3 Ramhlun North 2 1 1 0 1 0 1 4

4 Chhinga Veng 3 1 1 1 3 4 -1 4

5 Aizawl FC 2 1 0 1 3 1 2 3

6 Chanmari West 3 1 0 2 5 4 1 3

7 Zo United 3 0 1 2 0 4 -4 1

8 Dinthar FC 3 0 1 2 1 6 -5 1