Kane chawlh chen tur chiang lo

Tottenham manager Mauricio Pochettino chuan a striker Harry Kane chuan a ke rekah hliam a tawrh thu a sawi a, eng chena rei nge a chawlh dawn tih erawh a sawi tel lo thung.

Kum 23-a upa Kane hian kar-tawpa Sunderland an hneh
ṭumin goal a khung a, White Hart Lane-a inkhelah hun tawp dawnah Papy Djilobodji-a'n a hliam a, lakchhuah a ngai zui bawk.

Spurs manager Pochettino chuan, "A dam leh thuai theih nan theihtawp kan chhuah a, a hun erawh kan bituk thei lo," tiin season hnih chhung an club top scorer ni tawh chungchang a sawi.

England inetrnational hian season hmasa khan Premier League-ah goal 25 khungin top scorer a ni a, league table-ah champion Leicester City leh Arsenal te chiah tluk loh an nei.

Sunderland nen an inkhelh
ṭum hian Mousa Dembele leh Eric Dier te pawhin hliam an tuar a, mahse Pochettino chuan heng a player pahnihte hliam hi a nat vak lo thu a sawi tel bawk.