Sevilla chakna Gabriel Mercado

Thawhlehni zan La Liga inkhel-ah Argentine defender Gabriel Mercado-a goal khat khung hmang-in Sevilla chuan Real Betis 1-0 in an hneh.

Estadio Ramon Sanchez Piz-juan-a inkhelah Sevilla tan nipui laia an lakluh pahnih an langsar a, Manchester City aṭanga loan hmanga an hawh Samir Nasri free kick pet chu River Plate aṭanga an lakluh Mercado hian minute 51-naah a tauh lut a ni.

Jorge Sampaoli naute hian league match nga khel tawhin point 11 an hmu a, table-ah pahnihna niin an hnuai chiaha awm Barcelona aiin match khatin an khel tam thung.

Inkhel dangah Malaga chuan tun season-a a vawi khat nan league-ah hnehna an chang ve ta a, an khelmual La Rosaleda-ah Eibar chu 2-1 in an hneh.

Juande Ramos naute hian league match an khelh hmasa paliah point hnih chiah an hmu thei a, Eibar lakah pawh hian Nano an ven zawh loh avangin goal an chhuah hmasa. Mahse, Sandro Ramirez leh substitute Youssef En Nesyri te hmanga chhang letin hnehna an chang.