Lakers an tlawm, Durant a dam ta

Basketball inelna sang ber NBA regular season chu Nilaini zing atang khan khelh tan a ni a, champion lai Los Angeles Lakers chu an match hmasa berah Los Angeles Clippers lakah 116-109 in an tlawm.

Clippers tan Paul George a che tha hle, point 33 a score zinga point 26 chu inkhel chawhnu lama a neih a ni a, ani bakah hian Kawhi Leonard chuan point 26 a nei ve bawk.

Season hmasa pawh khan Clippers hian an match hmasa berah Lakers hi an hneh. Mahse, season a tawp meuh chuan hnehsawh takin LeBron James awmna Lakers an champion ta zawk a ni.

Season hmasa hliam vanga inlan thei lo Kevin Durant a dam tawh. American star hian Brooklyn Nets tana match hmasa berah point 22 neiin a team hlui Golden State Warriors chu 125-99 in an hneh.

Golden State hi chak lo mah se lawmna tur an nei. Season hmasa lama hliam vanga an chhawr mumal theih loh Stephen Curry a dam tawh a, guard Curry hian point 20 a neih bakah assist vawi 10 neiin player tha bik a nih zia a lantir.