Mirza ten quarterfinal lut

Sania Mirza leh a ṭanpui Barbora Strycova te chuan Pan Pacific Open tennis tournament-ah Misaki Doi leh Kurumi Nara te chu 6-7 (3), 7-5, 10-8 a hneh hramin quarterfinal an lut.

Indoor Court 3-a inkhelah Indo-Czech duo te hian khawtual nulate hneh tur hian darkar hnih leh minute hnih ngawt an mamawh a, semifinal lut tur chuan Yifan Xu leh Miyu Kato te ṭangdun an paltlang leh a ngai ang.

India star Mirza hi thla 14 chhung a ṭanpui tawh Martina Hingis nen an in-
ṭhen hnuah Strycova nen an inkawp zui nghal a, thla hmasa khan Cincinnati Open-ah an champion. Grand Slam tournament an hmachhawn dun hmasak US Open-ah erawh quarterfinal-ah an tla thung.