Dortmund-in goal khung an uar

Borussia Dortmund chuan an match hnu-hnung pathumah goal 17 an khung tling ta - Thomas Tuchel a naute hian Thawhlehni zan khan Wolfsburg chu khualmualah 5-1 ngawtin an sawp a, Bundesliga match li an khelh tawh-ah point kua hmuin hmahruaitu an ni.

Nizan khan Bayern Munich leh Hertha Berlin inhmachhawnin team pahnih hian match thum an khelh tawhah hnehna an la chang vek a, he thuziak i chhiar meuh chuan league hmahruaitu hi a danglam leh tawh ang.

Dortmund hian an match hnuhnung pahnih-ah Legia Warsaw leh Darmstadt chu 6-0 ve vein an sawp a, Wolfsburg lakah pawh zahngaihna an lantir chuang lo.

Mikhual team tan mi-nu-te lina leka Ra-pha-el Guerreiro-a'n goal hmahruai a khung hnu-ah Pierre-Emerick Aubameyang chuan goal hnih a khung a, Ousmane Dembele leh Lukasz Piszczek ten goal khat ve ve an khung bawk.

Wolfsburg tan Daniel Didavi chuan si hnih chauh an la phur tihin khung ve mah se Dortmund lamin goal thuma an chhanlet lehnghal avangin mualneitu team-in tih theih an nei lo.