Mirza leh Strycova chak phawt

Indian star Sania Mirza leh a kawppui Bar-bora Strycova te chuan Gabriela Dabrowski leh Maria Jose Martinez te ṭangdun hnehin Wuhan Open second round an paltlang. Indo-Czech star te hian Thawhlehni khan inkhel inhnehtawk takah 3-6, 6-3, 10-5 in an hneh hram a ni.

Mirza te ṭhiandun hian thla hmasaa an ṭan-dun aṭangin vawi khat chiah chak loh an la nei a, Cincinnati Open leh Pan Pacific Open-ah te champion tawhin US Open-ah erawh beisei an phak lo thung.

Kum 29-a upa Mirza hi hmeichhe doubles-ah point 9,730 hmuin pakhatna a la ni zel a, tun hma lama a lo ṭanpui tawh Martina Hingis nen an inthlauhna chu point nga chiah a nih avangin India star tan number 1 ni zel turin chetsual a thiang rih lo.