Dempsey tan season a tawp

Clint Dempsey chu a lungphu dik tawk loh avangin tun season chhung chu MLS-ah a inlan thei tawh dawn lo. Seattle Sounders chuan an forward hriselna a ṭhat loh thu hi Thawhlehni khan an puang. Fulham leh Tottenham Hotspur tan pawha lo khel tawh Dempsey inkhel thei lo tur hi a club ai mahin US tan channa nasa tak a ni thei zawk.

Seattle Sounders chuan, "Tun dinhmunah a inkhel thei lo a, season thar lamah a inlan leh thei ang," tiin kum 33-a upa an player pawimawh chungchang an sawi.

US tan match 130 a khelh tawh aṭanga goal 52 khungtu hi November thlaa World Cup qualifier-a Mexico leh Costa Rica an hmachhawn hunah pawh a inlan theih a beiseiawm loh a ni.