Kar thum chawl tur Lionel Messi

Lionel Messi chu a ṭhâ na vangin chawlhkar thum chhung a inkhel thei dawn lo. Barcelona thiampuipa hi Nilaini zan La Liga inkhela Atle-tico Madrid nen 1-1 a an inhnehtawk ṭumin minute 59-naah a hliam vang hian lakchhuah a ni.

Kum 29-a upa Messi hian tun season La Liga match nga a la khel kim vek a, tun thla tira Argentina leh Venezuela ten 2018 World Cup qualifier an khelh ṭumin a ṭhâl na vang bawk hian a lo inlan thei lo tawh a, tunah a natna ngai vang bawkin a buai.

A hliam vangin Messi hian La Liga-ah Sporting Gijon leh Celta Vigo a hmachhawn thei dawn lo a, Champions League match khat leh World Cup qualifier-ah Peru leh Paraguay a hmachhawn thei lo bawk ang. October 19-a Manchester City nen an inhmachhawn hunah a lo kir hman beisei a ni thung.