Wawrinka chak nuamsa

US Open champion Stan Wawrinka chuan Nilai zan khan St. Petersburg Open-ah a match hmasa ber khelin Lukas Rosol chu awlsam takin a hneh.

ATP Challenger Tour event-ah hian Wawrinka hi seeded pakhatna a nih avangin first round a khelh a ngai lo a, second round-ah hian vawi riat ace siamin minute 58 chhung lekin Rosol chu 6-3, 6-1 in a hneh.

Grand Slam vawi thum cham-pion tawh Wawrinka chuan, "Rosol nen ṭum ruk kan in-hmachhawn tawhnaah hnehna ka la chang vek a, mahse awlsam takin ka chak ngai lo. Tun ṭum bik chu ka khel ṭha hlein ka hria a, hetianga ka khelh chhunzawm chuan tu pawh ka hneh thei ang," tiin a sawi.

Kum 31-a upa Wawrinka hian kumina Grand Slam hnuhnung ber US Open final-ah khan world number 1 Novak Djokovic hnehin champion nomawi a lo chawi tawh a, tun ṭum hi khami hnua an inkhelh lehna hmasa ber a ni.