Iran ngam lo India an tla

AFC Under 16 inelnaah a thlengtu India tan hmun a awm tawh lo - player 10 nichunga khel India hi Nilaini zan khan Iran lakah 3-0 in an tlawm a, group stage match thum an khelhah point khat chiah hlawh chhuakin an beiseina chu a thamral ta.

Nicolai Adam-a enkawl team tan Lalengmawia chuan inkhel bul a ṭan a, Vaivakawn rawlthar hian minute 17-naah India tan hun ṭha nei mah se a hming chherna hun a bawhpelh thung.

Iran hian minute 23-naa Mohammad Ghaderi hmanga goal hmahruai an khung hnuah goal dang an khung belh thei lawk bik lo a, minute 55-naa hnawhchhuah Boris Singh chu India beiseina titawptu a ni. Tlem zawk nichunga khel India-in an bei let thei tawh lo a, Iran tan Mohammad Sharifi chuan minute 80 hnulamah goal hnih khung lehin chak zawkah an ṭang ta a ni.

India hi Group A-ah awmin Iran hma hian United Arab Emirates chu lo ngam tawh loin ram pahnih hian quarterfinal an lut nghal a, India tan Saudi Arabia laka an point khat hlawhchhuahin awmzia a nei thui lo.