Wes Brown-a'n Blackburn a zawm

Championship club Blackburn Rovers chuan Manchester United defender hlui Wes Brown chu season tawp thleng an hnena khel turin free transfer-in an lalut.

Kum 36-a upa Brown hian season hmasa khan Sunderland tan a la khel a, kum nga ngawt a lo chenchilh tawh Premier League club hian season tawp rual khan an chhuah zalen.

Blackburn hi tun laiin an che ṭha lo hle a, league match riat an khelh aṭanga point nga hmuin table mawng ber dawtah an awm mek. Brown hi player a nih bakah U-23 assistant coach a ni tel bawk ang.

Manchester United aṭanga inzir chhuak defender hian Old Trafford-ah hun a hman chhungin league nomawi panga, FA Cup leh Champions League pahnih bakah League Cup vawi thum a chawi hman a, tawnhriat a ngah hle.