Olympic champion Monica Puig chak

Rio Olympic hmeichhe tennis singles champion Monica Puig chuan Nilaini khan seeded pasarihna Petra Kvitova chu 1-6, 6-4, 6-4 a hnehin Pan Pacific Open last 16 a paltlang. Inkhel dangah Caroline Wozniacki pawhin hnehna a chang ve bawk.

Puerto Rican nula Puig hian Rio-ah pawh khan Kvitova hi a lo hneh tawh a, Japan-ah hian set thumnaah 4-2 in a hniam zawkah ṭang mah se a khingpuiin break point vawi 13 a hmuh zinga ṭum 10 zet inchhanhimin hnehna changtu zawkah a ṭang.

Pan Pacific Open champion lo ni tawh Wozniacki chuan inkhel inhnehtawk takah Carla Suarez Navarro chu 7-6 (4), 4-6, 6-4 in hnehna a chang. Ariake Colloseum-a inkhelah hian Wozniacki hian quarterfinal lut turin darkar thum dawn hun a hmang a ni.