January-ah Amad Diallo-a'n Man United a pan dawn

Manchester United-in nipui transfer-ah nipui transfer-ah Donny van de Beek, Alex Telles, Edinson Cavani, Facundo Pellistri leh Amad Diallo te an lalut. Atalanta aṭanga an lakluh Diallo hian work permit a neih loh avangin English club hi a zawm thei mai lo a, tun January transfer-ah Man United hi a zawm chauh dawn.

Kum 18 mi Diallo hian tunkar khan Italian passport a nei a, hemi hmang hian awlsam zawkin work permit a nei thei ang. United hian Ivorian winger man atan hian pound maktaduai 22.38 (€25m) zet an seng a, Atalanta-ah pawh senior team-ah a la khelh phak mumal loh avangin Diallo chanchin hian ngaihven a hlawh phah hle.

Amaherawhchu Diallo hi training-naah a hmuhnawm a, Italian club ropui Juventus pawhin lakluh an tum ve avangin player vantlang chunglam a ni tih a chiang. United hian nipui bazarah player panga an la a, first eleven chang mumal an awm lo mah se Cavani, Van de Beek leh Telles te awm hi an ṭhatpui hle.

Chutihrualin Facundo Pellistri leh Amad Diallo te erawhin hmabak êng tak nei a, Uruguayan winger Pellistri pawh hi euro maktaduai 10 bawr vel man niin reserve team-ah a inchher hriam mek. English club hi Ecuadorian midfielder Moises Caicedo nen an sawi zawm mek bawk.

Kum 19 mi Caicedo hi Ecuadorian club Independiente del Valle tan a khel mek a, ram tan pawh vawi li lai inlan tawhin goal khat a khung tawh a ni.